Kreu i Grupit Parlamentar të Partisë Socialiste, Taulant Balla ka uruar presidentin gjerman Frank-Walter Steinmeier për rizgjedhjen në detyrën e Kreut të Shtetit të Republikës Federale të Gjermanisë!
Përmes një postimi në rrjetin social facebook Balla deklaron se Presidenti Steinmeier është një model i rolit bashkues të kryetarit të shtetit, që simbolizon unitetin e popullit.
Sipas Ballës, ai vlerësohet maksimalisht për përpjekjet e tij për të ndërtuar ura bashkëpunimi mes palëve.
Postimi i plotë i Taulant Ballës:
Përgëzime Presidentit Bundespräsident Frank-Walter Steinmeier për rizgjedhjen nga Konventa Federale, duke marrë 1045 vota nga 1472 anëtarë të pranishëm. Presidenti Steinmeier është një model i rolit bashkues të kryetarit të shtetit, që simbolizon unitetin e popullit. Ai vlerësohet maksimalisht për përpjekjet e tij për të ndërtuar ura bashkëpunimi mes palëve. Një rol normal dhe i duhur i Presidentit në një republikë të pastër parlamentare.
